經過一班同事嘅努力，我哋嘅網店Kathy Mama Online Store終於出世喇！
呢一刻嘅心情好難用言語去形容。我最想多謝我嘅一班好同事，好努力咁解決咗背後各式各樣嘅物流同埋技術問題，令我可以將我揀嘅精選貨品放上嚟呢度畀大家選購
睇到呢度大家可能會問：明明做緊營養中心，點解諗到要擴展做網店呢？其實有一段故仔嘅：
我每日嘅工作就係由早到晚咁樣見客人，畀營養諮詢。返到屋企見下兩個女，同佢哋溫一陣功課，剩低可以處理屋企上下事情嘅時間已經好少
至於放假呢？我通常都會一家大細去郊外行下，吸下新鮮空氣，遠離城市嘅煩囂
我成日會咁樣諗：好似我咁嘅父母其實仲有好多，與其費神去揀適合自己嘅產品，倒不如用啲時間去陪屋企人，享受精心嘅時刻。如果有人可以幫我篩選適合嘅用品嘅話，你話係幾咁好嘅一件事呢！
呢個想法，成為咗我呢間網店嘅起步點。網店嘅貨品都係經過精挑細選，希望呢一點點嘅篩選努力，可以帶畀大家愉快嘅購物體驗，作為我對大家嘅一點心意
網址： https://www.kathymama.com/
Search